ಹೊಸದಿಲ್ಲಿ: ಮಹಿಳೆಯರ ಅವಮಾನ ಮತ್ತು ಕೋಮುದ್ವೇಷದ ವಿರುದ್ಧ ಜನರು ಧ್ವನಿ ಎತ್ತುವಂತೆ ಕಾಂಗ್ರೆಸ್ ನಾಯಕ ರಾಹುಲ್ ಗಾಂಧಿ ಭಾನುವಾರ ಕರೆ ನೀಡಿದ್ದಾರೆ ಮತ್ತು ಇದು ಬೆದರಿಕೆಯ ವಿರುದ್ಧ ಮಾತನಾಡುವ ಸಮಯ ಎಂದು ಹೇಳಿದ್ದಾರೆ.
ಟ್ವಿಟರ್‌ನಲ್ಲಿ ಅವರ ಕಾಮೆಂಟ್‌ಗಳು ಮುಸ್ಲಿಂ ಮಹಿಳೆಯರನ್ನು ಅವರ ಅನುಮತಿಯಿಲ್ಲದೆ ಆನ್ಲೈನ್ “ಹರಾಜು” ಪಟ್ಟಿಯಲ್ಲಿ ಎಡಿಟ್ ಮಾಡಿದ ಫೋಟೋ ಹಾಕಿ ಮಾನಹಾನಿಕರ ಜಾಲತಾಣ ಪ್ರಕ್ರಿಯೆ ‘ಬುಲ್ಲಿ ಬಾಯಿ’ ಅಪ್ಲಿಕೇಶನ್‌ನ ಮೇಲೆ ನೆಟಿಜನ್‌ಗಳು ಮತ್ತು ಮಹಿಳಾ ಹಕ್ಕುಗಳ ಗುಂಪುಗಳ ಆಕ್ರೋಶ ವ್ಯಕ್ತಪಡಿಸಿದ್ದರು.ರಾಹುಲ್ ಗಾಂಧಿ ಹೇಳಿಕೆ ಅವರ ಆಕ್ರೋಶಕ್ಕೆ ಬೆಂಬಲ ಸಿಕ್ಕಂತಾಗಿದೆ.
ಆ್ಯಪ್‌ನಲ್ಲಿ ನೂರಾರು ಮುಸ್ಲಿಂ ಮಹಿಳೆಯರನ್ನು ಛಾಯಾಚಿತ್ರಗಳೊಂದಿಗೆ “ಹರಾಜು” ಪಟ್ಟಿ ಮಾಡಲಾಗಿದೆ. ಒಂದು ವರ್ಷದೊಳಗೆ ಇದು ಎರಡನೇ ಬಾರಿಗೆ ಸಂಭವಿಸಿದೆ. ಅಪ್ಲಿಕೇಶನ್ ಸುಲ್ಲಿ ಡೀಲ್‌ಗಳ ತದ್ರೂಪಿಯಾದ ಬುಲ್ಲಿ ಬಾಯ್, ಮಹಿಳೆಯರ ಟ್ರೋಲ್ ಮಾಡಿದ್ದರಿಂದ ಬಹಳಷ್ಟು ಜನರಿಂದ ಟೀಕೆಗೆ ಗುರಿಯಾಗಿತ್ತು.
“ಮಹಿಳೆಯರ ಅವಮಾನ ಮತ್ತು ಕೋಮುದ್ವೇಷದ ವಿರುದ್ಧ ನಾವು ಒಂದೇ ಧ್ವನಿಯಲ್ಲಿ ನಿಂತಾಗ ಮಾತ್ರ ಇಂತಹ ಪ್ರಕರಣಗಳು ನಿಲ್ಲುತ್ತವೆ.. ವರ್ಷ ಬದಲಾಗಿದೆ, ಪರಿಸ್ಥಿತಿಯೂ ಬದಲಾಗಬೇಕು. ಇದು ಮಾತನಾಡುವ ಸಮಯ” ಎಂದು “ನೋ ಫಿಯರ್” ‘ಭಯವಿಲ್ಲ’ ಎಂಬ ಹ್ಯಾಶ್‌ಟ್ಯಾಗ್ ಬಳಸಿ ಶ್ರೀ ರಾಹುಲ್ ಗಾಂಧಿಯವರು ಟ್ವೀಟ್ ಮಾಡಿದ್ದಾರೆ.
ಆ್ಯಪ್‌ನಲ್ಲಿ ಕನಿಷ್ಠ 100 ಪ್ರಭಾವಿ ಮುಸ್ಲಿಂ ಮಹಿಳೆಯರ ಫೋಟೋಗಳನ್ನು ಹರಾಜಿಗಾಗಿ ಅಪ್‌ಲೋಡ್ ಮಾಡಿದ ನಂತರ ವ್ಯಾಪಕ ಆಕ್ರೋಶಕ್ಕೆ ಕಾರಣವಾಗಿದೆ, ಜಿಟ್ ಹಬ್ ಹೋಸ್ಟಿಂಗ್ ಪ್ಲಾಟ್‌ಫಾರ್ಮ್ ಬಳಕೆದಾರರನ್ನು ನಿರ್ಬಂಧಿಸಿದೆ ಖಚಿತಪಡಿಸಿದೆ ಮತ್ತು ಪೊಲೀಸ್ ಅಧಿಕಾರಿಗಳು ಮುಂದಿನ ಕ್ರಮವನ್ನು ಕೈಗೊಂಡಿದ್ದಾರೆ ಎಂದು ತಂತ್ರಜ್ಞಾನ ಸಚಿವ ಅಶ್ವಿನಿ ವೈಷ್ಣವ್ ಹೇಳಿದ್ದಾರೆ.
ಮಹಿಳೆಯರ ಅವಮಾನದ ವಿರುದ್ಧ ಮಾತನಾಡುವ ಸಮಯ: ಬುಲ್ಲಿ ಬಾಯಿ ಆ್ಯಪ್‌ ವಿರುಧ್ದ ಗುಡುಗಿದ ರಾಹುಲ್ ಗಾಂಧಿ
