Latest Posts

ದಲಿತ ಎಂಬ ಕಾರಣಕ್ಕೆ ಅಧ್ಯಕ್ಷರನ್ನು ನೆಲದಲ್ಲಿ ಕೂರಿಸಿದ ಉಪಾಧ್ಯಕ್ಷ ಮತ್ತು ಕಾರ್ಯದರ್ಶಿ

ಚೆನ್ನೈ: ತಮಿಳುನಾಡಿನ ಕಡಲೂರು ಜಿಲ್ಲೆಯ ತೆರ್ಕುಟ್ಟಿತ್ತಾಯ್ ಗ್ರಾಮ ಪಂಚಾಯಿತಿ ಅಧ್ಯಕ್ಷ ಎಸ್.ರಾಜೇಶ್ವರಿಯನ್ನು ಪಂಚಾಯಿತಿ ಮಂಡಳಿ ಸಭೆಯಲ್ಲಿ ನೆಲದಲ್ಲಿ ಕೂರಿಸಿದ ಪಂಚಾಯಿತಿ ಉಪಾಧ್ಯಕ್ಷ ಮತ್ತು ಕಾರ್ಯದರ್ಶಿ.

ಜುಲೈ 2020 ರಲ್ಲಿ ನಡೆದ ಸಭೆಯಲ್ಲಿ ರಾಜೇಶ್ವರಿ ನೆಲದ ಮೇಲೆ ಕುಳಿತಿರುವ ಚಿತ್ರ ಮತ್ತು ಪಂಚಾಯತ್ ಮಂಡಳಿಯ ಇತರ ಸದಸ್ಯರು ಕುರ್ಚಿಯ ಮೇಲೆ ಕುಳಿತಿರುವ ಫೋಟೋ ಸಾಮಾಜಿಕ ಮಾಧ್ಯಮ ರಂಗದಲ್ಲಿ ವೈರಲ್ ಆಗಿದೆ. ರಾಜೇಶ್ವರಿ ನೀಡಿದ ದೂರಿನ ಆಧಾರದ ಮೇಲೆ ಕಡಲೂರ್ ಪೊಲೀಸರು ಪಂಚಾಯತ್ ಉಪಾಧ್ಯಕ್ಷ ಮೋಹನ್ ರಾಜನ್ ಮತ್ತು ಪಂಚಾಯತ್ ಕಾರ್ಯದರ್ಶಿ ವಿರುದ್ಧ ಎಸ್‌ಸಿ / ಎಸ್‌ಟಿ (ದೌರ್ಜನ್ಯ ತಡೆ) ಕಾಯ್ದೆಯಡಿ ಪ್ರಕರಣ ದಾಖಲಿಸಿದ್ದಾರೆ. ಘಟನೆಗೆ ಸಂಬಂಧಿಸಿದಂತೆ ಜಿಲ್ಲಾಧಿಕಾರಿ ಪಂಚಾಯತ್ ಕಾರ್ಯದರ್ಶಿಯನ್ನು ಅಮಾನತುಗೊಳಿಸಿ ವಿವರವಾದ ತನಿಖೆಗೆ ಆದೇಶಿಸಿದ್ದಾರೆ.

ರಾಜೇಶ್ವರಿ ಅವರು ಈ ವರ್ಷದ ಜನವರಿಯಲ್ಲಿ ಪಂಚಾಯತ್ ಅಧ್ಯಕ್ಷರಾಗಿ ಆಯ್ಕೆಯಾದ ಅಂದಿನಿಂದ ಜಾತಿ ಹೆಸರಿನಲ್ಲಿ ಎದುರಿಸುತ್ತಿರುವ ತಾರತಮ್ಯದ ಬಗ್ಗೆ ಮಾತನಾಡಿದರು. ತಾನು ದಲಿತನೆಂದು ಆರೋಪಿಸಿ ಎಲ್ಲಾ ಸಭೆಗಳಲ್ಲಿ ನೆಲದ ಮೇಲೆ ಕೂರಿಸುತ್ತಾರೆ ಮತ್ತು ಪಂಚಾಯತ್ ಅಧ್ಯಕ್ಷನಾಗಿ ತನ್ನ ಕರ್ತವ್ಯವನ್ನು ಪೂರೈಸದಂತೆ ತಡೆಯುತ್ತಿದ್ದರು ಹಾಗೂ ಮೋಹನ್ ರಾಜನ್ ಮತ್ತು ಇತರರು ಯಾವುದೇ ಸಭೆಯಲ್ಲಿ ಮಾತನಾಡಬೇಡಿ ಎಂದು ಹೇಳುತ್ತಿದ್ದಾರೆ ಎಂದು ಆರೋಪಿಸಿದರು .

ಸ್ವಾತಂತ್ರ್ಯ ದಿನದಂದು ರಾಷ್ಟ್ರಧ್ವಜವನ್ನು ಹಾರಿಸಲು ನನಗೆ ಅನುಮತಿ ನೀಡಿರಲಿಲ್ಲ ಎಂದು ರಾಜೇಶ್ವರಿ ಆರೋಪಿಸಿದರು. ಎರಡು ತಿಂಗಳ ಹಿಂದೆ ಇದೇ ರೀತಿಯ ಜಾತಿ ತಾರತಮ್ಯದ ಪ್ರಕರಣವು ಚೆನ್ನೈ ಬಳಿಯ ತಿರುವಳ್ಳೂರು ಜಿಲ್ಲೆಯಲ್ಲಿ ನಡೆದಿದೆ ಎಂದು ಹೊರಬಂದಿದೆ.

Share this on:
error: Content is protected !!