Latest Posts

ಲಕ್ಷದ್ವೀಪ ಅಡ್ಮಿನಿಸ್ಟ್ರೇಟರ್ ಗೆ ಮತ್ತೆ ಮುಖಭಂಗ;ಮನೆಗಳನ್ನು ನೆಲಸಮ ಮಾಡುವುದಕ್ಕೆ ತಡೆ ನೀಡಿದ ಹೈಕೋರ್ಟ್

ಕವರತ್ತಿ: ಲಕ್ಷದ್ವೀಪದಲ್ಲಿ ಕರಾವಳಿಯ ಸಮೀಪದಲ್ಲಿನ ಮನೆಗಳನ್ನು ನೆಲಸಮ ಮಾಡುವುದನ್ನು ಹೈಕೋರ್ಟ್ ಮುಂದಿನ ಸೂಚನೆ ನೀಡುವವರೆಗೆ ತಡೆಹಿಡಿಯಲಾಗಿದೆ. ಮುಂದಿನ ಸೂಚನೆ ಬರುವವರೆಗೂ ಯಾವುದೇ ಮನೆಗಳನ್ನು ನೆಲಸಮ ಮಾಡದಂತೆ ಮಧ್ಯಂತರ ಆದೇಶ ಕೋರಿ ಲಕ್ಷದ್ವೀಪ ನಿವಾಸಿಗಳಾದ ಉಬೈದುಲ್ಲಾ ಕುನ್ಹಿಯಮಂಕಡ ಮತ್ತು ಖಾಲಿದ್ ಕುಟ್ಟಿಪ್ಪಪ್ಪಿಪುರಂ ಅರ್ಜಿ ಸಲ್ಲಿಸಿದ್ದರು. ಅರ್ಜಿದಾರರು ಸಲ್ಲಿಸಿದ ದೂರುಗಳನ್ನು ಪರಿಶೀಲಿಸಿದ ನಂತರ ನಿರ್ಧಾರ ತೆಗೆದುಕೊಳ್ಳುವಂತೆ ನ್ಯಾಯಾಲಯ ನಿರ್ವಾಹಕರು ಮತ್ತು ಬ್ಲಾಕ್ ಅಭಿವೃದ್ಧಿ ಅಧಿಕಾರಿಗೆ ನಿರ್ದೇಶನ ನೀಡಿದೆ.

ಅರ್ಜಿಯ ಬಗ್ಗೆ ಲಕ್ಷದ್ವೀಪ ಆಡಳಿತವು ಎರಡು ವಾರಗಳಲ್ಲಿ ತನ್ನ ನಿಲುವನ್ನು ತಿಳಿಸಬೇಕು,ಸಮುದ್ರ ತೀರದಲ್ಲಿ ಇರುವ ಮನೆಗಳು ಮತ್ತು ನಿರ್ಮಾಣ ಕಾರ್ಯಗಳನ್ನು ನೆಲಸಮಗೊಳಿಸುವಂತೆ ಕವರಟ್ಟಿ ಬ್ಲಾಕ್ ಅಭಿವೃದ್ಧಿ ಅಧಿಕಾರಿ ಸ್ಥಳೀಯರಿಗೆ ನೋಟಿಸ್ ನೀಡಿದ್ದಾರೆ.

ಅರ್ಜಿದಾರರು ಸಾಂಪ್ರದಾಯಿಕವಾಗಿ ದ್ವೀಪದ ಕರಾವಳಿ ಪ್ರದೇಶದ ನಿವಾಸಿಗಳು ಎಂದು ಅರ್ಜಿಯಲ್ಲಿ ಹೇಳಲಾಗಿದೆ.ಈ ಮನೆ 1950 ರಿಂದ ಅವರ ತಂದೆಯ ಮತ್ತು ಇದೀಗ ಅವರ ಒಡೆತನದಲ್ಲಿದೆ.ಕಾನೂನುಬಾಹಿರ ನಿರ್ಮಾಣವಾದ್ದರಿಂದ ಈಗ ಮನೆಯನ್ನು ನೆಲಸಮ ಮಾಡಬೇಕು ಎಂದು ಹೇಳುವುದು ಸರಿಯಲ್ಲ ಮತ್ತು 2014 ರಲ್ಲಿ ಸುಪ್ರೀಂ ಕೋರ್ಟ್ ತನ್ನ ವಾದದಲ್ಲಿ ತೀರ್ಪು ನೀಡಿತ್ತು ಎಂದು ಅರ್ಜಿದಾರರು ನ್ಯಾಯಾಲಯಕ್ಕೆ ತಿಳಿಸಿದರು.

ಈ ಹಿಂದೆ ಡೈರಿ ಫಾರಂಗಳನ್ನು ಮುಚ್ಚುವ ಮತ್ತು ಕೋಳಿ ಮತ್ತು ಗೋಮಾಂಸವನ್ನು ಮಕ್ಕಳಿಗೆ ಮಧ್ಯಾಹ್ನ ಊಟದಿಂದ ಹೊರಗಿಡುವ ಆದೇಶವನ್ನು ಹೈಕೋರ್ಟ್ ತಡೆಹಿಡಿದಿತ್ತು.ಲಕ್ಷದ್ವೀಪದ ಸ್ಥಳೀಯರು ಸಲ್ಲಿಸಿದ ಸಾರ್ವಜನಿಕ ಹಿತಾಸಕ್ತಿ ಮೊಕದ್ದಮೆಯನ್ನು ಹೈಕೋರ್ಟ್ ವಿಚಾರಣೆ ನಡೆಸಿತ್ತು.

Share this on:
error: Content is protected !!