Latest Posts

ಬಂಟ್ವಾಳ: ಬಿರುಗಾಳಿಯಿಂದ ತತ್ತರಿಸಿದ ಜನನಿಬಿಡ ಪ್ರದೇಶ ಪಾಂಡವರಕಲ್ಲುಗೆ ಶಾಸಕರ ಭೇಟಿ

Oct 5,2021

ಪಾಂಡವರಕಲ್ಲು:ಬಂಟ್ವಾಳ ತಾಲೂಕಿನ ಪಾಂಡವರಕಲ್ಲು ಎಂಬಲ್ಲಿ ಶನಿವಾರದಂದು ಸಂಜೆ ಸುರಿದ ಮಳೆ,ಬಿರುಗಾಳಿ ಮತ್ತು ಸಿಡಿಲು ಮಿಂಚಿಗೆ ತೀವ್ರವಾಗಿ ಹಾನಿಯಾಗಿ ತತ್ತರಿಸಿರುವ 60ಕ್ಕೂ ಹೆಚ್ಚು ಮನೆಗಳಿರುವ ಜನನಿಬಿಡ ಪ್ರದೇಶಕ್ಕೆ ಬಂಟ್ವಾಳ ಶಾಸಕರಾದ ರಾಜೇಶ್‌ ನಾಯ್ಕ್‌ ಉಳಿಪ್ಪಾಡಿಯವರು ಭೇಟಿ ನೀಡಿದರು.


ಈ ಸಂದರ್ಭದಲ್ಲಿ ಕಳೆದ ಎರಡು ದಿನಗಳಿಂದ 60ಕ್ಕೂ ಹೆಚ್ಚು ಮನೆಯ ನಿರಾಶ್ರಿತರಿಗೆ ರಾತ್ರಿ ಹಗಲು ಎನ್ನದೆ ಎಲ್ಲಾ ರೀತಿಯ ವ್ಯವಸ್ಥೆಯನ್ನು ಮಾಡಿಕೊಟ್ಟು,ಅವರ ಜೊತೆ ನಿರಂತರವಾಗಿ ಸಂಪರ್ಕದಲ್ಲಿರುವ ಸ್ಥಳೀಯ ಗ್ರಾಮ‌ ಪಂಚಾಯತ್ ಸದಸ್ಯರು ಹಾಗೂ SDPI ಮುಖಂಡರಾದ ಅಥಾವುಲ್ಲಾ ಪಾಂಡವರಕಲ್ಲು ರವರು ಶಾಸಕರಿಗೆ ಹಾನಿಯಾದ ಮನೆಗಳನ್ನು ತೋರಿಸಿ ಆದ ನಷ್ಟವನ್ನು ವಿವರಿಸಿ,ಸರ್ಕಾರದಿಂದ ಸಿಗುವ ಪರಿಹಾರವನ್ನು ಆದಷ್ಟು ಬೇಗ ತಲುಪಿಸುವ ವ್ಯವಸ್ಥೆ ಮಾಡಬೇಕೆಂದು ಕೇಳಿಕೊಂಡರು .

ಅಷ್ಟೇ ಅಲ್ಲದೇ ಮೇಲಾಧಿಕಾರಿಗಳ ನಿರ್ಲಕ್ಷ್ಯ ಮತ್ತು ತಾರತಮ್ಯ ಧೋರಣೆ ನೀತಿಯನ್ನು ಹೇಳಿ ಆಕ್ರೋಶ ವ್ಯಕ್ತಪಡಿಸಿದರು. ಈ ಸಂದರ್ಭದಲ್ಲಿ ಸ್ಥಳೀಯ ಮುಖಂಡರು, ಜನಪ್ರತಿನಿಧಿಗಳು ಹಾಗೂ ಗ್ರಾಮಸ್ಥರು ಹಾಜರಿದ್ದರು.

Share this on:
error: Content is protected !!